Oblys ortalyǵyndaǵy kórkemsýret mýzeıinde Assambleıa jylyna oraı «Aırenık» etnomádenı birlestiginiń uıymdastyrýymen «Armenııa óneri: kóne jáne búgin» atty kórme ashyldy.
Oblystaǵy «Aırenık» qoǵamdyq birlestigi 1995 jyly quryldy. Sodan beri Elmıra Petrosıan basqaratyn birlestik eldik tutastyq pen kelisimdi saqtaýda, armıan halqynyń ulttyq mádenıetin, salt-dástúrin, ádet-ǵurpyn jańǵyrtýda úlgili qyzmet atqaryp keledi.
Etnomádenı birlestikte aqsaqaldar keńesi jáne onyń jastar qanaty, ádebı, bı ujymdary jumys jasaıdy. Kórmeden uqqanymyz, armıan halqy mádenıetiniń kóne zamannan – taý-jartastardaǵy jazbalar men tas jáne qola músinderden, áshekeıli qarý-jaraqtar, shyny jáne qysh ydystardan bastaý alatyny. Iаǵnı, sáýlet óneriniń týyndylaryn, qabyrǵaǵa salynǵan sýretterin, músinder men turmystyq zattaryn dúnıege ákelgen Ejelgi Ýrartý memleketiniń mádenıetin qalyptastyrady.
Osy óner ortalyǵynyń biri 2783 jyl buryn irgesi qalanǵan kóne Erebýnı (Erevan) qalasy eken. Kórmede ótken jyldardaǵy sýretshiler Marıam, Eranýı Aslamazıan, Ara Bekarıan, Dmıtrıı Nalbandıan, Sımon Galostıan jáne qazirgi zamanǵy armıan sýretshileriniń týyndylary qoıylǵan. Al qaraǵandylyq sýretshi Sarkıs Sanosıan (1922-2004) bolsa, 1980-jyldary bizdiń oblystyq kórkemsýret mýzeı qoryna óziniń týyndylaryn syıǵa tartypty.
Kórmege, sondaı-aq, el esinde júrgen Oganes Zardarıan, Rýben Gabrıelıan, Albert Papıkıan, Aleksandr Grıgorıan, Petros Malaıan, Lavınııa Bajbeýk-Melıkıan, Seda Karagezıan jáne basqa da ataqty sýretshilerdiń sýretteri qoıylypty. Armıan halqynyń qıly ómiri sýret arqyly kórinis tapqan.
Farıda BYQAI,
«Egemen Qazaqstan».
PAVLODAR.